CDO-Banner

Pagdugang sa mga BHW ug BNS gilaraw ni Mayor Moreno

TINGUHA ni City Mayor Oscar Moreno nga madugangan pa ang gidaghanon sa mga Barangay Health Workers ug Barangay Nutrition Scholars aron mapalapdan pa ang pagtunol sa serbisyong panglawas ngadto sa katawhan sa syudad.
Gipadayag ni City Social Welfare and Development Officer Teddy Sabuga-a nga usa ang serbisyong panglawas sa mga prayoridad ni Mayor Moreno.
Dul-an usa ka libo ka mga BHW ug BNS ang mitambong sa gipahigayong Second Quarter General Assembly nga gipahigayon sa JR Borja General Hospital karong adlawa, Abril 14, 2016.
Gisugilon ni Dr. Fe Bongcas, City Health Officer nga usa sa gihisgotan ug gituki sa tigom ang Orientation on Basic Aid Management for Community Health Emergencies and Traumatic Injuries.
Matag quarter himoon ang asembliya aron ma-update ang mga BHW ug BNS sa kasamtangang programa sa panglawas sa administrasyon ni Mayor Moreno.