CDO-Banner

Flash flood warning posts, rain gauges sa syudad masaligan ug plastar na

early warning device1

 

MIBISITA bag-ohay lang sa buhatan sa City Disaster Risk Reduction and Management Office (Cdrrmo) ang mga personahe sa Philippine Atmospheric Geophysical and Astronomical Services Administration o Pagasa aron pagsusi sa flash flood warning posts sa lima ka barangay ning syudad.

Kini aron maseguro ang seguridad sa katawhan pinaagi sa maong ekipo, ilabina panahon sa pagbaha.

Ang lima ka warning posts nahimutang sa Brgy Pagatpat, Balulang, Consolacion, Bonbon ug City Hall pinaagi sa pag-abag sa Pagasa.

Kahinumdoman nga nakabaton usab og rain gauges ug water level sensor ang CDRRMO pinaagi sa paningkamot ni Mayor Oscar Moreno, CDRRMO officer-in- charge Allan Porcadilla ug overseer nga si Ret. Col. Mario Verner Monsanto.

Samtang, aktibo usab nga mipailawom ug mi-partisipar ang nagkalain-laing barangay sa training ug orientation sa pagbaton og Barangay Disaster Risk Reduction and Management Plan nga angay ug haom sa ilang komunidad.

Mas gipalig-on usab ang kahanas sa mga sakop sa Urban Search and Rescue (USAR) group ug Emergency Medical Specialist (EMS) team sa pag-responde sa bisan unsang kalamidad

Kini nga mga proyekto namugna sa administrasyon ni Mayor Moreno sa tinguha nga malikayan ang dakong kadaut sa kabtangan ug kinabuhi nga nasinati sa katawhan sa nilabay’ng katuigan.