CDO-Banner

Kabag-ohan sa Bolonsori Public Cemetery Gitun-an na

User Rating: 0 / 5

Star inactiveStar inactiveStar inactiveStar inactiveStar inactive
 

INISYAL nang nakigtagbo ang mga sakop sa City Memorial Board sa mga molupyo ug nalambigit sa Bolonsori Public Cemetery atol sa gipahigayong ocular and site visit bag-ohay lang.

Gisusi sa board ang kasamtangang kahimtang sa public cemetery diin nasuta nga aduna pipila ka mga nanimuyo sulod mismo sa maong sementeryo ug gani man anaa na tapad o ibabaw sa pantyon ang maong mga illegal settlers.

Laraw sa kagamhanang lokal ubos sa administrasyon ni Mayor Oscar Moreno, pinaagi sa rekomendasyon sa board, nga magtukod og columbarium ug sugdan ang pag-redevelop sunod tuig sa Phase 1 ug 2.

Gani man adunay ipahigayong public consultation sa tanang stakeholders ug sa mga buot makisayod sa plano sa Bolonsori karong Disyembre 10 dinhi sa City Tourism Hall sugod alas 8:00 sa buntag.

Alayon niini, nanawagan ang syudad pinaagi sa City Local Environment and Natural Resources Office (Clenro) sa pamilya sa mga gilubong sa maong dapit nga ibalhin na ang mga bukog sa ilang kabanay ilabina ang nahimutang sa Phase 1 ug Phase 2.

Samtang gipahibalo usab sa Clenro nga kadtong mga wala nay kabanay, ilang ipahimutang ang mga bukog sa dako’ng krus nga anaa mahimutang sulod sa Bolonsori cemetery.

Nasayran nga anaa na sa halos 44,000 ka mga patay ang nalubong sukad kini gibuksan niadtong 1982. (ACM/Photos by ROEL FELICITAS)78216974_2914251548606498_9203243797176123392_o.jpg78529651_2914251628606490_2840816868518789120_o.jpg

Recent News