CDO-Banner

Kampanya Kontra Illegal nga Pabuto gisugdan sa Task Force Firecrackers

User Rating: 0 / 5

Star inactiveStar inactiveStar inactiveStar inactiveStar inactive
 

By Ian Fuentes / photo by Reynan Baylin

NAGPAHIMANGNO ang Task Force Firecrackers ngadto sa mga retailers ug wholesalers sa pabuto nga sundon ang mga regulasyon ug balaod nga nakalatid sa special permit gikan sa city hall.

Sa ilang unang tigom kagahapon, gibutyag ni Department of Interior and Local Government City Director Engr. Jane Docallos nga kinahanglan luwas sa peligro ang mga mamalitay ug publiko samtang gitugotan sa syudad ang pagpamaligya sa fireworks ug pyrotechnic devices.

Gitataw ni Engr. Docallos nga ang ‘authorized selling ug display area’ nga gitugot sa task force diha lang sa may rotunda duol sa Rodelsa Circle, lakip mga malls nga adunay special permit.

Sa nasayran, giuyonan sa task force nga sugdan ang pagpamaligya karong Disyembre 22 samtang gihikay pa sa mga retailers ug wholesalers ang ilang mga papeles aron makalukat og special permit.

Sa iyang bahin, nagbahad si P/Maj. Abdul Alim Sumandar, chief operations officer sa Cagayan de Oro City Police Office, nga ilang konpiskahon ang mga pabuto nga masapong gibaligya ilabina sa merkado sa Cogon, Carmen ug Puerto.

Sa miaging tuig, mokabat sa 29 ka mga retailers ug wholesalers ang nahatagan og special permits sa city hall. _MG_3500.png_MG_3498.png

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19