CDO-Banner

‘Free WiFi’ zones sa City Hall, JRBGH Gilusad ni Mayor Moreno ug DICT

User Rating: 0 / 5

Star inactiveStar inactiveStar inactiveStar inactiveStar inactive
 

By Ian Fuentes/Stephen Capillas/photo by Jay Arancon

MAS dali ug sayon na ang pag-konektar sa libreng internet sa mga Kagayanon ug bisita dinhi sa Cagayan de Oro.

Kini human gilusad kagahapon ni Mayor Oscar Moreno ug Department of Information and Communications Technology (DICT) Asst. Secretary Felino Castro V ang ‘Free WiFi For All’ sa City Hall ug JR Borja General nga ‘free of charge’.

Sa iyang pagpasalamat sa DICT, gibutyag ni Mayor Moreno nga kritikal ang internet connectivity sa Cagayan de Oro sanglit makahatag kini’g maayong serbisyo sa katawhan ug ‘ease of doing business’ tali sa syudad ug mga investors.

Kahinumduman nga midaug isip third placer ang Cagayan de Oro sa “eGov Digital Finance Empowerment (P2G) Award” alang sa mapping online applications, ug second placer sa “eGov Government Inter-Operability (G2G) Award” sa electronic budget system atol sa Digital Governance Awards sa DICT niadtong Nobyembre 27 sa Manila.

“The bottomline is connectivity. Through this project, we hope to improve our services and maintain our strategic edge as the flagship city in Northern Mindanao,’’ sigun pa ni Mayor Moreno.

Nagpahimutang na ang DICT og 20 ka free WiFi hotspots sa Cagayan de Oro ug matud pa ni Asec Castro nga ang matag WiFi zone adunay minimum bandwidth nga 10 megabytes per second ug maximum nga 26 mbps.

Plano sa DICT nga magset-up og 320 ka free WiFi sa mga barangay halls ug eskwelahan nunot sa ilang mandato nga makonektar ang gobyerno sa katawhan pinaagi sa libreng internet.wifi.pngwifi_2.png

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19