CDO-Banner

City Hospital mananaog isip ‘Best LGU Hospital’ sa 21st National Gawad Kalasag Award

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Jay Arancon & Aicy Soriano

TUNGOD sa mas gipalambo pa nga serbisyo sa JR Borja General Hospital (JRBGH), nasungkit niini ang 2nd place sa ‘Best Local Government Unit Hospital’ sa 21st Gawad Kalasag Awards.

Naglakip sa criteria sa maong category ang institutionalization of Health Emergency Management (HEM); hospital capacity to respond to emergency or disaster; ug additional hospital functionalities indicators.

Una nang nasungkit sa JRBGH ang ‘Best LGU Hospital’ sa gipahigayong 21st Regional Gawad Kalasag Awards bag-ohay lang diin lakip sa gipasidunggan ang ORO Rescue sa City Disaster Risk Reduction and Management Department isip ‘Best Local Government Emergency Response Management’.

Tungod niini, napili ang City Hospital isip national finalist sa Gawad Kalasag ug nasungkit niini ang second place, lakip ang nadawatan nga P100,000 cash prize.

Kahinumdoman nga daghan nang midangop sa JRBGH ug dako na ang kabag-ohan niini sukad paglingkod ni Mayor Oscar Moreno sa syudad.

Lakip niini ang katukoran sa dugang pang mga gambalay pinaagi sa pag-abag sa Health Facility Enhancement Program sa Department of Health.

Nakabaton na usab og modernong laboratory ug operational na usab ang Critical Care Unit sa JRBGH.

Subay niini, dakong garbo ug kalipay ang gipaabot ni Mayor Moreno sa katawhan sa syudad ilabina sa mga personahe sa JRBGH sa ilang serbisyo.

Ang award gidawat ni Kagawad Maria Lourdes Gaane, chairperson sa Committee on Health and Health Insurance; Dr. Ramon Nery, JRBGH chief of hospital; ug Ms. Amelia Milvar. city_hospital.jpgcity_hospital_1.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19