Liquor ban ipatuman sa umaabot nga traslacion

User Rating: 5 / 5

Star activeStar activeStar activeStar activeStar active
 

MAS gipahugtan pa sa kagamhanang lokal ug kapolisan ning syudad ang seguridad sa mga deboto nga mosaksi ug motambong sa kasaulogan sa Traslacion sa Itom nga Nazareno sugod ugma’ng adlawa, Enero 8, 2020.

Kini human gipagula ni Mayor Oscar Moreno ang Executive Order 005-2020 nga nagmando sa implementasyon sa Liquor Ban sugod alas 5:00 sa hapon ugma’ng adlawa, Enero 8 hangtud alas 12:00 sa udto, Enero 9.

Ang liquor ban nagdili sa pagbaligya ug pag-inom sa makahubog nga ilimnon sulod sa 300-meter radius sa agian sa procession.

Lakip sa gimando ang pagdili sa paggamit og sunglasses, backpacks ug gidili usab ang pag-parking sa mga sakyanan sa agianan sa rota sa procession.

Gilaumang dili momenus sa 200,000 ka mga deboto ang modagsa dinhi sa syudad alang sa maong kapistahan. liquor_ban.jpg