CDO-Banner

Pagpahapsay sa Cogon, Carmen Market area mas gipahugtan pa

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde / photo by Reynan Baylin

MAS gipahugtan pa sa syudad pinaagi sa Roads and Traffic Administration (RTA) ang pagpahapsay sa kadalanan palibot sa Cogon ug Carmen Market area aron malikayan ang pagbara sa dagan sa trapiko alayon sa kasaulogan sa Pasko ug Bag-ong Tuig.

Nunot niini, hugot nga gipatuman sa mga personahi sa RTA ang regular clearing operation sa Cogon Market pinaagi sa pagsita sa pipila ka mga ambulant vendors nga padayon nga namaligya sa wala gitugot nga oras.

Gani, kagahapong adlawa adunay gamay nga kagubot ang nahitabo tali mga personahi sa RTA ug ambulant vendors pasado alas 4:00 sa hapon human gipangkuha sa RTA clearing team ang mga baligya.

Una nang gipadayag ni City Administrator Teddy Sabuga-a Jr. atol sa coordination meeting tali sa mga kadagkuan sa ambulant vendors nga alas 6:00 sa gabii hangtod alas 5:00 sa buntag lamang ang Night Market diin sila gitugotan nga makapamaligya.

Nanawagan ug naghangyo usab si Sabuga-a ngadto sa mga vendors nga sundon ang balaod nga gipatuman sa syudad aron dili maghuot ang dagan sa trapiko ilabina karong mga panahona nga nagsingabot ang Pasko ug Bag-ong Tuig.

Nunot niini, matag adlaw nga magpahigayon og clearing operation ang RTA uban sa Composite Team ug kapulisan aron masiguro nga walay mga ambulant vendors nga mamaligya sa wala gitugot nga oras.cogon_2_resize.jpgcogon_resize.jpgcogon_1_resize.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19