CDO-Banner

Katawhan gihagit ni Mayor Moreno mahimong instrumento sa hapsay ug malamboong CdeO

User Rating: 0 / 5

Star inactiveStar inactiveStar inactiveStar inactiveStar inactive
 

By Spencer Palen/Stephen Capillas/photo by Jomar Figuracion

"The future is what we are today; the future is what we make today," sigun pa ni Mayor Oscar Moreno sa iyang mensahe atol sa Rizal Day Commemoration bag-ohay lamang.

Sa ika-123 nga paghandom sa kamatayon sa nasudnong bayani nga si Dr. Jose Rizal, gipahinumduman ni Mayor Moreno ang katawhan nga magsilbing mga bag-ong bayani pinaagi sa pagpaningkamot nga mapalambo pa ang estado sa dakbayan.

Gipasalamatan ni Mayor Moreno ang mga ahensya sa gobyerno, buhatan sa city hall ug mga pribadong stakeholders kinsa mihatag og hugot nga suporta sa kalamboan sa dakbayan sa milabay’ng tuig, bisan pa man sa kadaghang problema nga giatubang sa iyang administrasyon.

"For every obstacle that is hurdled, we are made stronger and our unity becomes more profoundly clear," dugang pa ni Mayor Moreno kinsa nanghinaot usab nga magpadayon sa pagpaningkamot ang mga empleyado sa gobyerno kay "kadaugan sa katawhan ang resulta, kalipay sa katawhan ang resulta."

Mihisgot usab si Mayor Moreno nga walay katapusan ang pagserbisyo sa gobyerno ingon man nga dili angay magkompyansa ang kagamhanang lokal hilabina nga padayon ang paglambo sa dakbayan ug kanunay kining gihatagan og pasidungog sa national level.

Isip panapos, gihagit sa mayor ang tanang katawhan nga magsilbing instrumento sa pagpanday sa hapsay ug malamboon nga kaugmaon alang sa sunod henerasyon sama sa gibuhat ni Rizal. rizal_day.jpgrizal_day_1.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19