CDO-Banner

Nasakmit nga pork hotdogs, sausages gisunog sa Anti-ASF Task Force

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde / photo by Reynan Baylin & Roel Felicitas

MOKABAT sa P71 mil nga kantidad sa kinarton nga pork hotdogs ug sausages nga nakonpisika sa Anti-African Swine Fever Task Force ang gisunog didto sa bakante nga lote sulod sa compound sa animal shelter & impounding facility sa syudad.

Ang disposal gipangulohan ni City Veterinarian Dr. Lucien Anthony Acac kinsa mao usab ang nangulo sa Task Force ug gisaksihan sa consignee sa maong produkto ug mga personahi sa National Veterinary Quarantine Services Misamis Oriental.

Una niini, nagdesisyon ang consignee nga i-ship back na lang ang mga produkto apan wala nisugot ang Task Force sa option niini nga ibiyahi kini by land ilabina nga daghang lugar ang maagian ug walay kasigurohan nga luwas sa kontaminasyon ang mga produkto.

Gipasabot ni Dr. Acac nga kung asa nisulod ang produkto didto usab kini moagi pabalik sa point of origin diin gihatagan og usa lang ka semana ang consignee pag-ship back niini ug gibana-bana nga mokabat sa kapin P100 mil ang magasto.

Nunot niini, si Dr. Acac mihangyo sa mga kompanya nga mo-shift na lang una sa chicken ug beef nga processed meat ug dili na sa mga baboy ilabina nga hugot nga gipatuman sa syudad ang E.O. 172 nga gi-isyu ni Mayor Oscar Moreno nga Temporary Total Ban sa entry sa hogs, ug tanang presko nga karne ug processed pork products gikan sa Luzon ug ubang lugar sa nasud ug gawas sa nasud nga apektado sa African Swine Fever. asf.jpgASF_1.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19