CDO-Banner

Redev’t sa Bolonsori Cemetery mogahin og 1 ka ektaryang luna alang sa Muslim community

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Roel Felicitas

GIPASALIG sa lokal nga kagamhanan ning syudad pinaagi sa City Memorial Park Board ang usa ka ektaryang luna nga kalubngan alang lamang sa Muslim community sa laraw nga re-development sa Bolonsori Public Cemetery.

Gibutyag ni Engr Armen Cuenca, department head sa City Local Environment and Natural Resources Office (CLENRO), nga lakip sa plano sa board ang paggahin og luna alang sa mga minatay nga sakop sa Muslim community.

Sa gipahigayong public consultation kagahapong adlawa, Enero 9 didto mismo sa Al Jama-ah Masjid Cultural Center, gipadayag ni Mohammad Gondarangin, kinsa maoy presidente sa Muslim community ning syudad, ang kamahinungdanon sa ilang kultura sa paglubong sa ilang mga minatay nga gikonsidera usab sa board.

Tungod niini, gipasalig sa syudad ubos sa administrasyon ni Mayor Oscar Moreno nga magpatigbabaw ang respeto ug kooperasyon sa tanan diha sa proyekto nga redevelopment sa Bolonsori Public Cemetery.

Mitambong usab sa maong panagtigom si Mr Abdul Nasser Masorong, regional director sa National Commission on Muslim Filipinos, Mr Oliver Egypto sa Office for Community Affairs sa City Hall, Engr Almarco Brito nga maoy chairman sa Memorial Board, Engr Benjamin Nunag Jr sa University of Science and Technology of Southern Philippines ug mga representante sa City Health Office ug Department of Environment and Natural Resources (DENR).

Lakip sa mahinungdanong gitutokan sa public consultation ang pag-protehir sa kinaiyahan ilabina ang posibleng contamination sa ‘leachate’ o’ duga sa patay’ng lawas sa ground water.

Ang Bolonsori Public Cemetery una nang gibuksan sa tuig 1982 diin mokabat na sa kapin 44,000 ang mga nalubong sa maong sementeryo. bolonsiri_1_re.jpgbolonsiri_re.jpg

 

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19