CDO-Banner

Malungtaron nga kalambuan sa EWTPM gihingusgan

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde / photo by EWTPM

MAPASIGARBUHON ang mga personahi ug kadagkuan sa East-Westbound Terminal and Public Market (EWTPM) sa mga kalampusan nga ilang nahimo sa tuig 2019 gumikan sa mga proyekto nga naghatag sa kabag-ohan ug kalambuan sa merkado ug terminal.

Usa na niini ang malampuson nga pagkab-ot sa gilantaw nga koleksyon diin sobra pa sa gitinguha sa tuig 2019, ingon man ang pagpatuman sa nagkadaiyang mga proyekto ug programa inabagan sa hugpong sa mga mamaligyaay pinaagi sa Cagayan de Oro Farmers’ Market and Terminal Association (COFAMTA) ug mga stakeholders.

Ang EWTPM Officer-in-Charge nga si Jocelyn Penalosa namahayag nga usa sa mga beautification project nga napatuman mao ang landmark nga maoy simbolo sa panaghiusa ug legasiya sa pagtinabangay sa mga stakeholders.

Pipila sa mga kalampusan sa EWTPM mao ang pagbutang sa mga LED streetlights, free wi-fi, rehabilitasyon ug pag-ayo sa terminal, pagbutang og CCTV cameras, pag-isyu og Lease Contract and program of works sa proposed garbage holding facility, adjustment sa perimeter fence, gate entrance ug exit sa PUB ug PUJ terminals, transient lodging facility ug ang proposed one entry-exit scheme.

Nunot niini, gipadayag ni Penalosa nga mas hingusgan sa EWTPM nga mapatuman karong tuiga ang dugang pa nga mga proyekto ug kalamboan sa maong merkado ug terminal. EWTPM.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19