CDO-Banner

Mga kalampusan sa miaging tuig gipadayag sa CID

User Rating: 0 / 5

Star inactiveStar inactiveStar inactiveStar inactiveStar inactive
 

By Spencer Palen / photo by Reynan Baylin

DAKONG kalampusan ang natagamtaman sa Community Improvement Division (CID) sa tuig 2019 nga gipamatud-an sa ubay-ubay ka mga kalihokan nga malampusong gipasiugdahan sa maong buhatan.

Dili moubos sa 54 ka mga kooperatiba sa transportasyon, konsumante, agrikultura, empleyado ug uban pang organisasyon ang nahatagan sa capacity building seminars nga gipangulohan sa CID sa milabay’ng tuig.

Sa Responsible Parenthood and Family Planning Program, kapin 2,900 ka mga magtiayon ang mipailawom sa Pre-Marriage Counseling, samtang 592 ka mga indibidwal ang nakakat-on sa Kalalakihan Tumutugon sa Reponsibilidad Sa Pamilya (KATROPA) sulod sa 30 ka sessions ug laing 988 ka partisipante ang nakabenepisyo sa Family Planning seminars.

Gipasigarbo usab sa CID ang lain-laing kalihokan sa Adolescent Health and Development Program sama sa Adolescent Sexuality and Reproductive Health seminar, Learning Package for Parent Education, You for You Program ug Leadership Trainings diin kapin 7,208 ka mga kabatan-onan ang nakaapil.

Pinaagi sa City Ordinance No. 6799-99, namugna ang Cagayan de Oro Youth Center ubos sa CID alang sa paghatag og importansya sa mga kabatan-onan sa komunidad ug matutokan ang reproductive health concerns.

Dugang pa sa listahan sa mga kalampusan sa CID ang 1,171 ka mga benepisyaryo nga miapil sa livelihood and skills training program nga libreng gipahigayon sa maong buhatan alang sa buot mahimong food processors ug suppliers kon small scale entrepreneurs. cid_1_re.jpgcid_re.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19