CDO-Banner

Ordinansa nga mag-protehir sa mga tigulang gipanday na

User Rating: 0 / 5

Star inactiveStar inactiveStar inactiveStar inactiveStar inactive
 

By Spencer Palen / photo by DSWD 10

GISUGDAN na pagpanday ang usa ka ordinansa alang sa mga senior citizens ning syudad pinaagi sa gipahigayon nga consultative meeting kalabot sa ‘Sagip Lolo at Lola Program’ niadtong Enero 10 ning tuig.

Sa maong tigom, gipresentar ni Kag. Roger Abaday, Committee Chair sa Senior Citizens, ang draft sa "Cagayan de Oro City Ordinance for the Protection and Welfare of the Elderly" diin naghatag sa lain-laing opinyon ang mga stakeholders ug partners nga adunay kalambigitan sa maong hisgotanan.

Pipila sa mga aktibong mipartisipar sa tigom ang buhatan sa Department of Social Welfare and Development, City Legal Office, Office for Community Affairs, Office of Senior Citizen Affairs, religious groups ug uban pang organisasyon nga gahatag og suporta sa mga katigulangan sa dakbayan.

Nalatid sa maong draft ordinance ang mga ginadili ug silot kung adunay pag-abusar nga maangkon ang mga senior citizens, lakip usab ang dakong responsibilidad sa Office of Senior Citizen Affairs (OSCA), mga libreng programa ug serbisyo nga ihatag sa mga benepisyaryo ug ang pagtukod sa Senior Citizens Help Desk.

Ang sugyot ordinansa subay sa nasudnong balaodnon nga R.A. 9994 kon "Expanded Senior Citizens Act of 2010" ug R.A. 11350 kon "National Commission of Senior Citizens Acts" ug 1987 Constitution.

Gilauman nga pinaagi sa maong ordinansa mahatagan og mas dakong atensyon ug protective measurers ang mga tigulang nga biktima sa pang-abuso, gi-abandona ug napasagdan.seniors.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19