CDO-Banner

Mga out-of-school youth nagtigom

User Rating: 0 / 5

Star inactiveStar inactiveStar inactiveStar inactiveStar inactive
 

Text & photo by Nica Borja

DAKONG paglaum ang nabati sa kapin 90 ka out-of-school youth human mitambong sa Pag-asa Youth Association of the Philippines (PYAP) General Assembly, Enero 11, diha sa VIP Hotel, ning siyudad.

Sigun pa ni PYAP Federation President Nelson Anggamay: “Opportunity ni sa atoa para mo stand up and speak up nga dili tungod kay out-of-school youth lang ta, ingon ani na lang gyud ta, dili magpakabana. Dapat usab kita makabalo nga kaya nato. Dili kay magpaubos nalang gyud ta permi.”

Atol sa kalihokan, giabi-abi ni PYAP Focal Person Gerryca Isabelle Maagad ang mga partisipante samtang gisaysay ni Anggamay ang ilang year-end report.

Subay niini, gipahigayun ang usa ka mini fair nga gilangkoban sa City Social Welfare and Development-Psychosocial Division, Job Placement Bureau–Public Employment Service Office (JPB-PESO), YouthWorks, XU Night School Program ug Cagayan de Oro Technical Vocational Institute (CDO-TVI) diin gipahibalo ang mga kabataan sa mga oportunidad nga ilang mapahimuslan sa natad sa pagpanarbaho, panginabuhi ug edukasyon.

Sa laing bahin, gilingaw ang mga kabataan pinaagi sa padula sama sa hilo-mansi, ‘siomai-siopao-suman’ challenge; piggyback ride game lakip usab ang ilang pagduyog sa ‘Tala’ dance challenge.

Ang kalihokan hugot na gisuportahan ni Oro Youth Development Officer James Patrick Santos. Kasamtangan, nangandam karon ang PYAP sa umaabot pre-employment skills training sa tuyo nga mahatagan og oportunidad ang mga kabataan natad sa pagpanarbaho.pyap.jpgpyap_1.jpgpyap_2.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19