CDO-Banner

Online applications sa City College Scholarships bukas na sa publiko

User Rating: 0 / 5

Star inactiveStar inactiveStar inactiveStar inactiveStar inactive
 

By Nica Borja / file photo


GIKALIPAY sa mga kabatan-onan ning syudad human gibuksan na usab sa City Scholarship Office ubos ni CSO Head Richel Petalcurin-Dahay ang online applications alang sa City College Scholarships sugod karong Enero 17, alas-8:00 sa buntag hangtud alas-5:00 sa hapon ug kini magpabiling bukas hangtud Marso 7 ning tuig.

Alang sa proseso, giawhag ang mga aplikante nga mobisita sa link: http://cityscholar.cagayandeoro.gov.ph:8080/apply-scholar alang sa online applications.


Subay niini, gikinahanglan motambong ang mga aplikante sa “Applicants’ Assembly” karong umaabot Pebrero 8 diha sa Xavier University Gymnasium, gawas lang sa mga aplikante gikan sa hinterland barangays, sanglit bisitahan mismo sa CSO ang matag eskwelahan sa maong mga dapit sugod Enero 27 hangtud Enero 31.


Ang mga rekisitos mao ang mosunod: 1) orihinal nga kopya sa Grade 12 first semester grades, 2) orihinal nga kopya sa Certificate of Residence, 3) orihinal nga kopya sa Certificate of Indigency gikan sa barangay o ITR copy sa BIR sa mga ginikanan, 4) klaro ug tinuod nga kopya sa residence sketch sa usa ka long bond paper, 5) medical certificate gikan sa government physician, kon applicable, 6) IP certificate, 4Ps, Solo Parent, PWD ID, kon available, 7) Grade 11 to Grade 12 Certificate of Leadership and Involvement nga pirmado sa school head o principal.


Ang mga rekisitos isulod sa usa ka long brown envelope, uban sa pangalan, reference number, ug contact number nga nakasulat sa upper right corner sa envelope.


Sa laing bahin, ang aplikante gikinahanglan usa ka Filipino citizen; molupyo ning dakbayan; full-time nga mokuha og undergraduate degree; gradwado sa Senior High School; wala sukad naka-enrol sa college; ug adunay annual family income nga dili molabaw sa P300,000.


Ang mga dokumento ipailawom sa validation aron masayran kung kinsa ang kwalipikado sa exam.

Gitakdang i-anunsiyo ang listahan sa mga bag-ong city scholars karong Mayo 15 ning tuig.scholars.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19