CDO-Banner

Ikaduhang hugna sa ‘Sabayang Patak kontra Polio’ subling ipahigayon

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Task Force Kontra Polio

BISAN pa man og nakab-ot na sa Cagayan de Oro pinaagi sa City Health Office ang halos 100% coverage sa “Patak kontra Polio”, subli na usab kining mosalmot sa ipahigayong second round sa “Sabayang Patak Kontra Polio” karong Pebrero 7 hangtud Abril 4 ning tuig.

Kini alayon sa tinguha sa lokal nga kagamhanan ubos sa administrasyon ni Mayor Oscar Moreno nga walay bata nga mabiyaan sa maong kampanya.

Gani man, mipailawom na usab sa orientation ang sanitation inspectors sa City Health Office ubos sa pagpangulo ni Dr Lorraine Nery, Dr Rachel Dilla ug uban pang mga doctors alang sa maong katuyoan.

Base sa gipagula nga pahibalo sa Department of Health, sugdan ang second round sa patak kontra polio sa Basilan, Sulu, Tawi-Tawi, Zamboanga City, Isabela City, ug Lambayong, Sultan Kudarat dinhi sa Mindanao diin gituhoang adunay natala nga polio virus.

Samtang sugdan sa tanang dapit sa Mindanao lakip Cagayan de Oro ang “Sabayang Patak Kontra Polio” karong Pebrero 17 hangtud Marso 1, ug Marso 23 hangtud Abril 4.

Kahinumdoman nga malampuson ang unang hugna sa simultaneous “Patak Kontra Polio” sa Mindanao nga gisugdan niadtong Nobyembre 25 hangtud Disyembre 7, 2019 diin gimando sa mayor ang “all of government and society approach.”

Matud ni Mayor Moreno ang “all of government and society approach’ gikinahanglan aron masiguro nga walay bata nag-edad 0-5 anyos nga mabiyaan ug tanan maprotektahan batok polio virus.

“Irreversible damage can be done to these children if left behind with the campaign,” matud ni Mayor Moreno.

Ug tungod niini, gidasig sa mayor ang tanang ginikanan ug mga panimalay nga adunay gagmay’ng kabataan sa pagpahimulos sa maong kahigayonan. polio_2.jpgpolio.jpgpolio_1.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19