CDO-Banner

Water tower project sa Bayabas gitunol sa APO ug BFAR

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde / photo by Reynan Baylin

DAKO ang pasalamat sa konseho sa Barangay Bayabas ubos ni Punong Barangay Eddie Abrogar kang Mayor Oscar Moreno human pormal nga gitunol sa syudad ang watch tower project alang sa marine protected area sa ilang barangay.

“Salamat kang Mayor Moreno ug sa syudad nga nahatagan mi og bili pinaagi sa mga proyekto nga gihatag sa among barangay,” dugang ni PB Abrogar.

Lakip sa iyang gipasalamatan ang mga kadagkuan sa Agricultural Productivity Office (APO) ug Bureau of Fisheries and Aquatic Resources (BFAR) nga hugot usab nga nagsuporta sa ilang mga programa.

Si Acting City Administrator Teddy Sabuga-a, kinsa maoy mi-representar ni Mayor Moreno, mipayadag sa iyang pahalipay sa mga opisyales ug katawhan sa Brgy. Bayabas kay dako ang kahigayonan nga magmalungtaron ang ilang proyekto, ilabina ang marine sanctuary.

“Importante ang disiplina niini nga proyekto ug ang political will. This is an investment for the future,” dugang ni Sabuga-a.

Nunot niini, gipadayag sa City Administrator nga angay lamang nga aduna kini corresponding support gikan sa City Local Environment and Natural Resources (CLENRO) aron mas magmalambuon ug magmalampuson ang maong proyekto. tower.jpgtower_1.jpgtower_2.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19