CDO-Banner

Dakbayan nangandam na sa Chinese New Year

User Rating: 0 / 5

Star inactiveStar inactiveStar inactiveStar inactiveStar inactive
 

Text and photo by Spencer Palen

GIPANGANDAMAN na sa lokal nga kagamhanan pinaagi sa City Tourism and Cultural Affairs Office ubos ni Ms. Chedilyn Aissa Dulguime ang kasaulogan sa Chinese New Year 2020.

Lain-laing mga kalihokan ang giandam sa maong buhatan inubanan sa mga pribadong organisasyon ug ahensya sa gobyerno alang sa mas hapsay ug malinawon nga pagtabo sa bag-ong tuig sa Chinese community.

Isip pagbukas sa kasaulogan sa Chinese New Year, magpahigayon og Fun Run diha sa Limketkai Mall karong Enero 19 ug sundan kini sa opening program ug “Symphony of Lights” sa Enero 20 sa Gaston Park.

Samtang adunay fireworks display sa Enero 24 sa gabii sa Bell Church, Biasong Macasandig, Fil-Chi Motorcade sa Enero 25 ug Chinese Cosplay Competition sa Enero 26.

Gikan Enero 20 hangtod Pebrero 25, mahimong mobisita sa City Hall Mini Park alang sa Chinese Food Festival diin ubay-ubay ka Chinese delicacies ang ibaligya sa mga small-scale entreprenuers nga gitabangan sa Livelihood Division sa CSWD.

Ipahigayon usab sa Enero 25-26 ang 2nd Spring Festival Dragon Boat Race isip usa sa mga core events diin gilauman nga kapin 350 ka mga foreign ug domestic players ang modayo sa dakbayan aron makiglambigit sa maong kompetisyon.

Ang kasaulogan nga pangulohan sa dakbayan magsilbing pagpasalamat ngadto sa Filipino-Chinese community tungod sa ilang dakong kontribusyon sa kalamboan sa syudad ug tibuok rehiyon. chinese_new_year.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19