CDO-Banner

Kapin 900 ka senior citizens nakadawat og pension

User Rating: 0 / 5

Star inactiveStar inactiveStar inactiveStar inactiveStar inactive
 

By Spencer Palen

DAKONG kalipay ang nabati sa mga senior citizens sa dakbayan tungod sa gipahigayong pension payout nga gipangulohan sa Office of the Senior Citizens Affairs ubos sa City Social Welfare and Development Office bag-ohay lang.

Kapin 900 ka mga senior citizens sa District 1 ang midawat niadtong Enero 14 sa locally-funded pension nga nagkantidad og P1,500 pesos matag quarter kon P6,000 pesos matag tuig.

Gilauman nga mahatagan usab sa ilang pension karong adlawa, Enero 15, ang dili moubos sa usa ka libo ka senior citizens gikan sa District 2 ning dakbayan.

Ang mga benepisyaryo sa maong programa gilangkoban sa mga tigulang nga nag-edad 73 anyos pataas nga residente sa dakbayan, walay gidawat nga monthly pension, indigent ug gihatagan usab og prayoridad ang mga adunay panginahanglanong medikal.

Ang locally-funded pension alang sa senior citizens usa ka programa nga gipangulohan sa lokal nga kagamhanan isip suporta sa social pension program sa DSWD aron mas daghan pang katigulangan sa dakbayan ang mahatagan og tabang pinansyal.

Padayon ang pagpaningkamot sa dakbayan nga madugangan pa ang kapin 2,000 ka mga benepisyaryo sa maong programa ug mahatagan sa atensyon ang panginahanglanon sa katigulangan sa Cagayan de Oro.seniors_1_re.jpgseniors_re.jpgsenors_2_re.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19