CDO-Banner

Ordinance Violation Receipt sa syudad ipatuman na

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Jay Arancon

SUGDAN na karong bulan sa Pebrero ning tuig ang pagpatuman sa Ordinance Violation Receipt kon OVR ning syudad.

Sa panagtigom sa OVR Grievance Board bag-ohay lang, gipahibalo niini nga sugdan ang implementasyon ‘phase by phase’ sanglit kinahanglang tutokan ang matag ordinansa ug kinahanglan nga masabtan sa mga enforcers ang ilang responsibilidad.

Gipasabot usab sa board nga una nang gipatuman sa City Local Environment and Natural Resources Office (CLENRO) ang pag-isyu sa OVR sugod karong adlawa sanglit anaa na ang maong buhatan sa full implementation sa Solid Waste Management ordinance.

Tungod niini, gipahimangnoan sa lokal nga kagamhanan ang mga molupyo ning syudad sa pagmatngon ug pagtuman sa mga balaod ilabina sa solid waste ug regulatory ordinances.

Lakip sa nalatid sa OVR ang kalapasan batok smoking, curfew hour, pagbaligya og ilimnong makahubog sa mga minors ug pagbaligya sa sigarilyo, pagsaba-saba sugod alas 12:00 sa tungang gabii hangtud alas 5:00 sa buntag, pag-inom og ilimnong makahubog sa pampublikong lugar, ug daghan pa.

Ang OVR Grievance Board gimugna ni Mayor Oscar Moreno pinaagi sa Executive Order 006-2020 ug gipangulohan ni Atty. Reymond Villablanca sa City Legal Office isip Chairman.

Naglangkob isip mga miyembro sila si Engr Leonil Mistula sa City Treasurer’s Office, City Prosecutor Charisse Galarita-Bitoon, Police Lt Col. Dexter Paje, Dr. Teodulfo Joselito Retuya Jr. sa City Health Office, Engr Alan Villalba sa City Public Services Office, Atty. Jose Edgardo Uy sa City Regulation Task Force, Engr Armen Cuenca sa CLENRO, Kagawad Ian Mark Nacaya, Ms. Maricel Rivera sa City Information Office, Atty Rachiene Aguhob sa City Legal ug Mr. Jason Adaza sa City Treasurer’s Office.ovr_re.jpgovr_1_re.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19