CDO-Banner

Hapsay Sapa nakigpulong sa mga pamilya nga apektado sa Linear Park Project

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde / photo by Reynan Baylin

UBAY-UBAY ka mga pamilya nga posibleng maapektuhan sa Linear Park Project sa Mindulog Creek, Barangay Puerto ang gitigum sa Hapsay Sapa Team, Office for Community Affairs (OCA) ug barangay council sa Puerto ning bag-o alang sa usa ka pulong-pulong.

Gipadayag ni Patrick Gabutina, focal person sa Hapsay Sapa, nga ipatuman na sa dili madugay ang Linear Park Project sa Mindulog Creek diha sa Brgy. Puerto diin adunay mga balay nga maguba.

Nunot niini, giaghat ni Gabutina ang mga apektadong pamilya nga mobisita na sa buhatan sa City Housing & Urban Development Department (CHUDD) aron maka-apply alang sa relokasyon.

Hinuon, nagpahigayon na sa profiling ug house tagging ang CHUDD aron masuta kung pila ka mga pamilya ang maapektuhan sa proyekto ug kung pila ka mga balay ang maguba totally ug partially.

Mitabang usab pagpasabot si Punong Barangay Christian Rustico Achas ngadto sa mga pamilya aron mapadali ang pagpatuman sa proyekto sa syudad.

Gipasabot usab sa mga personahi sa CHUDD ngadto sa mga pamilya nga magbayad sila sa syudad sa ilang relokasyon kay dili na kini libre apan sa ubos lamang nga kantidad ug sa samang higayon maila na kini. linear.jpglinear_1.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19