CDO-Banner

Moretirong mga kawani sa city hall laraw himoong counselors sa CADAC

User Rating: 0 / 5

Star inactiveStar inactiveStar inactiveStar inactiveStar inactive
 

By Spencer Palen / photo by Stephen Capillas

LARAW karon sa Cagayan de Oro City Anti-Drug Abuse Council (CADAC) nga ilakip sa programa ang mga moretirong empleyado sa city hall isip social workers ug counselors sa After Care Rehabilitation Program sa lokal nga kagamhanan.

Gisugyot ni Acting City Administrator Teddy Sabuga-a Jr ang maong programa atol sa unang tigom sa CADAC sa tuig 2020 diha sa Patrick Cronin Hall, Archdiocese of Cagayan de Oro niadtong Enero 14.

Ang tigom gipangulohan ni Kag. Romeo Calizo kinsa misaad nga mas hingusgan pa ug ipalambo usab ang kampaya sa dakbayan kontra sa iligal nga droga hangtod sa barangay level.

Sigun pa ni Sabuga-a kamulo na ang pag-finalize sa mga detalye sa maong programa inubanan sa City Human Resource and Development Office ubos ni Ms. Mimsy Mayuman ug Office for Community Affairs nga gipangulohan ni Mr. Oliver Egypto.

Subay niini, adunay ipahigayon nga pagbansay alang sa mga moretirong empleyado sa syudad aron mahimo na nilang bisitahon isip social workers o counselors ang mga kanhi drug users kinsa nahuman na sa rehabilitation process.

Ang maong programa gilaumang mas mapalambo sa Oro Wellness Center-After Care Program, ilabina ang pag-atiman sa mga pasyente nga anaa pa sa recovering stage ug kini usab makatabang sa pagpalig-on sa kampaya sa Philippine Drug Enforcement Agency (PDEA).cadac_2.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19