CDO-Banner

‘Whole of nation approach’ sa paghatag og serbisyo gihingusgan ni Mayor Moreno

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Roel Felicitas

GIHINGUSGAN karon ni Mayor Oscar Moreno ang kampanya sa “whole of nation approach” sa tanang serbisyo sa gobyerno ngadto sa katawhan.

Matud ni Mayor Moreno ang malahutayong pagbaton sa kahusay ug kalinaw sa dapit moresulta sa paghatag ug paghatud og serbisyo sa gobyerno bisan sa pinakalayo nga bahin sa syudad.

“Insurgency is an issue of efficiency of government…and by bringing the government closer to the people, we will be winning their hearts,” saysay ni Mayor Moreno atol sa panagtigom sa Regional Peace-building and Development Framework nga gitambongan sa mga opisyales sa gobyerno, kapolisan, kasundalohan ug uban pa gikan sa nagkalain-laing dapit sa Northern Mindanao.

Dugang ni Mayor Moreno, kinsa mao usab ang chairman sa Regional Peace and Order Council, nga bisan pa man og nindot ang programa sa kapolisan ug kasundalohan apan kung dili maabot ang health services ug uban pang serbisyo sa katawhan daghan gihapon ang dili mahimuot ug diskontento.

Kahinumdoman nga nagpadayon ang pagsemento sa kadalanan ug gitutokan sa administrasyon ni Mayor Moreno ang pagtukod og mga tunghaan, health centers ug Child Development Centers bisan pa man ang pinakalayo na nga barangay ug sitio ning syudad pinaagi usab sa pag-abag ni Bise Mayor Raineir Joaquin Uy ug konseho ning syudad. whole_of_nation_rere.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19