CDO-Banner

Business permit renewal sa CdeO gilugwayan hangtud Enero 31

User Rating: 0 / 5

Star inactiveStar inactiveStar inactiveStar inactiveStar inactive
 

By Ian Fuentes / photo by Reynan Baylin

GILUGWAYAN ang business permit renewal sa dakbayan sa Cagayan de Oro gikan Enero 20 hangtud Enero 31, 2020.

Kini human giaprobahan kagahapon sa konseho ning dakbayan nga gipangulohan ni Bise Mayor Raineir Joaquin ‘Kikang’ Uy ang hangyo sa Misamis Oriental Filipino-Chinese Chamber of Commerce and Industry nga paborableng gi-endorso ni Mayor Oscar Moreno.

Sa ilang sulat-hangyo nga gipadangat sa buhatan ni Mayor Moreno, gibutyag ni Mr. Simon L. Ching, ang presidente sa MOFCCCI, nga kadaghana sa ilang mga miyembro ang dili makaapas sa deadline tungod sa kakulangon sa panahon o’ oras.  

Tungod niini, gipahibalo ni Acting City Treasurer Jasmin T. Maagad nga abri ang Business One Stop Shop (BOSS) sa city hall sugod alas-8:00 sa buntag hangtud ala-7:00 sa gabii gikan Lunes hangtud Biyernes.

Aron mahatagan gayud og igong panahon ang mga negosyante, bukas gihapon ang BOSS sugod alas-8:00 sa buntag hangtud ala-5:00 sa hapon matag adlaw’ng Sabado ug Dominggo, dugang pa ni Maagad.

Subling nanawagan si Maagad sa mga negosyante ning syudad nga pahimuslan ang maong extended deadline ug dili na unta paaboton ang Enero 31 aron malikayan ang multa nga 25% surcharge ug 2% penalty matag bulan.

Sumala sa taho sa City Finance Department, mobalor na sa kapin P375.5 milyones ang nakolekta sa syudad gikan sa 7,478 ka mga negosyante sukad Enero 1 hangtud Enero 17 ning tuig.

Kini nga koleksyon mas taas kung itandi sa susamang panahon sa miaging tuig nga nagbalor lang og P289.3 milyones.   renewal_re.jpgrenewal_1_re.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19