CDO-Banner

Kasabutan alang sa pag-atiman sa mga migrante sa CdeO gilagdaan

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Nic Anches

AGI’G pagtubag sa nagkadaghan nga migrante dinhi ning syudad, milagda og kasabutan o Memorandum of Agreement (MOA) ang kagamhanang lokal ubos sa administrasyon ni Mayor Oscar Moreno ug consortium of non-government organizations (NGOs) alang sa programang ‘Moving Urban Poor Communities in Mindanao Towards Resilience’ (MOVE UP 4) adlaw’ng Lunes, Enero 20 ning tuig.

Matud ni Mayor Moreno angayan lamang nga atimanon ang mga nanimpalad dinhi sa syudad ug dili sila isalikway.

“Urban communities became magnet for migrants seeking opportunities. It is a challenge of congestion and increasing population…and it would be wise for us to look at the bigger picture on how Cagayan de Oro expands and provide better life for them,” pasabot ni Mayor Moreno atol sa MOA signing.

Gidugang pa sa mayor nga mahinungdanon ang teamwork sa matag departamento sa City Hall ilabina nga andam ang grupo sa mga NGOs sa pag-abag sa mga panginahanglanon sa syudad.

Lakip sa milagda ang Consortium Manager sa MOVE UP 4 nga si Yolando de Guzman; Sindhy Obias, executive director sa ACCORD ug Karlgen Samarca, ATS Specialist sa ACCORD.

Misaksi usab sa paglagda ang mga departamento sa City Hall nga direktang malambigit sa maong programa sama sa City Planning and Development Office, City Local Environment and Natural Resources Office, City Housing and Urban Development Department, City Budget Office, City Disaster Risk Reduction and Management, City Social Welfare and Development, Office for Community Affairs, City Information Office ug Community Improvement Division.

Ang Cagayan de Oro usa sa mga syudad sa Mindanao nga adunay pinakataas nga ihap sa migrante nga maoy hinungdan nga napili kini sa consortium. move_up_re.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19