CDO-Banner

Pag-profile sa ambulant vendors gisugdan na sa CEED

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde / photo by Reynan Baylin

UBAY-UBAY na ka mga ambulant vendors partikular na sa namaligya sa `night market’ ang boluntaryo nga nagpa-profile sa buhatan sa City Economic Enterprises Department (CEED) alang sa bag-ong sistema nga ipatuman sa ilang temporaryo nga kaplastaran.

Gani, sa ulahing talaan kagahapon sa alas 5:00 sa hapon, gibutyag ni CEED Officer-in-Charge Marfe Dacoco nga moabot na sa 772 ka mga vendors ang nagpa-profile.

Nakigpulong na usab ang mga kadagkuan sa CEED sa mga key leaders sa mga vendors diin gipasabot kanila ang kalabot sa bag-ong sistema ilabina ang sectioning ug ang lugar diin sila temporaryo nga ipahimutang basi sa inisyal nga nauyonan sa tigom sa CEED ug ni RTA Officer-in-Charge Col. Rizalino Borlagdatan, station commander sa Police Station 2 ug City Administrator’s Office.

Sa nauyonan, usahon pagplastar sa usa ka lugar ang namaligya sa prutas ug utanon, lahi usab nga lugar ang namaligya og barbecue, balut, juice ug uban pa nga cooked food, samtang ipahimutang sa usa ka lugar ang namaligya og ukay-ukay, sapatos ug uban pa nga dry goods.

Karong adlawa, pormal nga magpahigayon og profiling ang CEED alang sa hard copy ug data base diin unahon nila pagtawag ang street leaders sa mga vendors uban sa iyang mga miyembro sa dalan Osmena.

“Para dili ma-tampered ang mga files ug mo-appear pud sa system ang ilang pictures ug signatures,” dugang ni Dacoco. cogon.jpgcogon_1.jpgcogon_vendors.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19