CDO-Banner

Syudad walay i-imposar nga bag-ong buhis karong tuiga- Mayor Moreno

User Rating: 0 / 5

Star inactiveStar inactiveStar inactiveStar inactiveStar inactive
 

By Ian Fuentes / Stephen Capillas / photo by Reynan Baylin

WALAY ipahamtang ang kagamhanan ning syudad nga bag-ong buluhisan o kaha pag-imposar sa pagpasaka og buhis karong tuiga.

Kini ang gitataw ni Mayor Oscar Moreno atol sa Regional Launch sa World Bank Philippines Economic Update kagahapon sa Xavier University Little Theater isip kabahin sa pag-obserbar sa Social Development Week sa maong tunghaan.

‘I did not impose new taxes nor tax increases. But all the investments made by the government come from taxes,” pamahayag ni Mayor Moreno.

Apan bisan pa man nga walay pagsaka sa buluhisan karong tuiga, giangkon sa mayor nga taas ang pagdahum sa katawhan sa Cagayan de Oro nga mas daghan pang mga proyekto, programa ug serbisyo ang ilang matagamtaman.

’You have to find a balance, a very difficult balance, of course, but if you want to do more, you have to generate funds,” dugtong pa ni Mayor Moreno.

Gipasabot ni Mayor Moreno nga kinahanglan mausab ang ‘mindset’ sa publiko kalabot sa buhis nga mahimong tinubdan sa korapsyon tungod kay matud pa niya ang buhis mahinungdanon aron mapundohan sa gobyerno lokal ang nagkadaiyang serbisyo, programa ug proyekto sa syudad.

Sigun pa ni XU President Fr. Roberto ‘Bobby’ Yap ang ilang pag-host sa World Bank economic update tipik sa pagtabang sa maong unibersidad sa gilaraw nga Metro Cagayan de Oro nga gihingusgan ni Mayor Moreno isip kabahin sa iyang 8-point development agenda. no_tax_increase_1.jpgno_tax_increase.jpg

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19