CDO-Banner

Cdeo nahimong miyembro sa UNICEF Steering Comm

User Rating: 0 / 5

Star inactiveStar inactiveStar inactiveStar inactiveStar inactive
 

By Nica Borja / photo by Michael Fabello

DAKONG garbo sa siyudad sa Cagayan de Oro human kini nahimong miyembro sa 1st National Steering Committee sa United International Children’s Emergency Fund (UNICEF), Enero 21, didto sa Marco Polo, Ortigas, Manila.

Ang dakbayan napili uban sa Valenzuela, Angeles, Pampanga, Zamboanga, Samar, Bangsamoro Autonomous Region isip kaabag sa ikawalo nga Country Programme for Children sa UNICEF.

Mismo si Committee on Social Services Chairperson Kagawad Girlie Balaba ug City Social Welfare and Development Executive Overseer Michael Christopher Fabello ang mirepresenta kang Mayor Oscar Moreno sa maong tigom.

Kahinumduman nga nagpasiugda og workshop ang UNICEF dinhi sa siyudad niadtong Oktubre 7 ug 8 sa miaging tuig alang sa pag-umol og mga programa alang sa kabataan.

Tumong sa tigom nga makatabang sa paghulma sa mga programa ug polisiya nga naninguhang makatabang sa pagpanalipod sa katungod sa mga kabataan ilabina ang disadvantaged youth ug children with disabilities.

Gidahum nga molungtad ang proyekto ning tuig hangtud sa tuig 2023.unicef_2.jpgunicef.jpgunicef_1.jpg

Recent News