CDO-Banner

Anti-jaywalking ordinance ipatuman sa Cogon Mkt

User Rating: 0 / 5

Star inactiveStar inactiveStar inactiveStar inactiveStar inactive
 

By Anabelle Ricalde / photo by Reynan Baylin

GIKATAKDANG ipatuman sa syudad pinaagi sa Roads and Traffic Administration (RTA) ang Anti-Jaywalking Ordinance diha sa Cogon Market area karong semanaha.

Gani, niadtong adlaw’ng Sabado, Enero 25, gisugdan na sa mga personahi sa RTA uban sa Clearing Team pinangulohan ni RTA Officer-in-Charge Col. Rizalino Borlagdatan ang information drive ug pag-edukar sa mga tawo nga diha mosubay sa pedestrian lane kung motabok ug sa sidewalk usab moagi aron malikay sa disgrasya.

Adunay multa nga P500 alang niadtong makasupak sa Anti-Jaywalking Ordinance ug kung walay ikabayad mahimo mag-community service. “Dapat hindi lang sidewalk vendors ang kailangan madisiplina pati na mga tumatawid sa daan,” pamahayag ni Col. Borlagdatan.

Niadtong Enero 21, gisugdan sa RTA, Clearing Team, Cocpo, Oro Barangay Tanod ug CEED ang subling pagpahapsay sa Cogon Mkt pinaagi sa pagdili ug pagbadlong sa mga ambulant vendors nga mamaligya sa dalan ug sidewalk sa tanang oras.

Hugot usab nga gipatuman ang oras sa `night market’ nga magsugod sa alas 6:00 sa gabii hangtod alas 5:00 sa buntag sa lugar nga gitugot aron sila makapamaligya, ingon man gidili ang pagpamaligya sa dalan J.R. Borja.

Sa nilabay nga unom ka adlaw, maobserbahan nga hapsay ang dagan sa trapiko diha sa Cogon Mkt. area.

Nunot niini, nanawagan si Col. Borlagdatan sa mga vendors ug sa publiko nga mo-kooperar sa gobyerno ug mosunod sa balaod nga ipatuman aron hapsay ang syudad. “Tayong lahat din naman ang makabenepisyo sa mga pagbabago na ito, self-discipline lang talaga,” dugang pa ni Col. Borlagdatan. jaywalking_re.jpgjaywalking_1_re.jpg

Recent News