CDO-Banner

Strategic planning sa transport cooperative gipahigayon sa CID

User Rating: 0 / 5

Star inactiveStar inactiveStar inactiveStar inactiveStar inactive
 

By Archie G. Pagayaman / photo by Joshua Luingas

GIPAHIGAYON sa kagamhanang lokal sa Cagayan de Oro pinaagi sa Community Improvement Division (CID) ang Annual Planning and Budgeting 2020 sa mga miyembro sa PN Roa Canitoan Transport Cooperative kon PONTRANSCO sa Bojacks Seafood Grill, Enero 24 ning tuig.

Sumala ni Rodger Zerna, Cooperative Program Coordinator sa CID, nga unang hugna lamang kini karong tuiga sa pagbansay sa mga miyembro sa nagkadaiyang transport cooperative ning syudad.

Gibutyag ni Zerna nga dako ang papel sa syudad aron mapalig-on ang mga kooperatiba pinaagi sa paglunsad og capacity building sa mga miyembro.

Ang kalihukan nunot usab sa paningkamot ni Mayor Oscar Moreno nga matutokan ang mga transport cooperatives alayon sa Public Utility Vehicle Modernization Program sa Department of Transportation.

Mapasalamaton usab si Mrs. Luzviminda Lalaine Escobidal, PONTRANSCO Manager, nga nahatagan sila sa giya ug direksyon ilabina nga ipatuman karong Hunyo ning tuig ang DoTr Memorandum 2017-11 kon Omnibus Guidelines on the Planning and Identification of Public Road Transportation Services and Franchise Issuance.

Ubos sa maong memorandum, kinahanglan maghugpong ug marehistro sa Security and Exchange Commission kon SEC ang tanan transport cooperatives aron makakuha og prangkisa. cid.jpgcid_2.jpg

Recent News