CDO-Banner

PESO-CdeO mihakot og mga pasidungog gikan sa DOLE 10

User Rating: 0 / 5

Star inactiveStar inactiveStar inactiveStar inactiveStar inactive
 

By Spencer Palen / photo by Ms Kathleen Kate Sorilla

GIPASIDUNGGAN sa Department of Labor and Employment (DOLE-10) ang Job Placement Bureau–Public Employment Service Office (PESO) sa Cagayan de Oro atol sa PESO Year-End Performance Assessment, Planning Workshop and Awards Night bag-ohay pa lamang.

Mikabat sa unom ka awards ang nasakmit sa PESO ug kini gilangkoban sa mga ‘special citations’ alang sa lain-laing mga programa nga gi-implementar sa maong buhatan nga nakatabang pagpalambo sa ‘employment rate’ dinhi sa syudad ug tibuok rehiyon.

Kini mao ang ‘Most Number of TNK Job Fairs Organized’, ‘Active Participation in the 2019 Child Labor Prevention and Elimination Program 2019’, ‘Top User and Advocate of PhilJobNet’, ‘Effective and Efficient Program Implementation of SPES 2019’, ‘Top User and Advocate of NSRP’, ug ‘Plaque of Recognition for the successful implementation of the 4 Core Services of PESO’.

Kahinumdoman nga sa tuig 2019, miabot sa dili moubos 19 ka job fairs ang gipangulohan sa PESO-CdeO diin 1,819 ka mga indibidwal ang nahatagan og trabaho, samtang 5,761 ka kabatan-onan ang nahimong benepisyaryo sa Special Program for Employment of Students kon SPES.

Malampuson usab ang pagpahigayon sa JobStart Philippines pinaagi sa hugot nga pagtinabangay sa DOLE 10 ug lokal nga kagamhanan pinaagi sa PESO nga gipangulohan ni Ms. Kathleen Kate Sorilla.

Ang mga dagkong kalampusan nga nakab-ot sa PESO Cagayan de Oro usa sa mga rason diin ubay-ubay ka mga pasidungog nga nadawat sa dakbayan ubos sa administrasyon ni Mayor Oscar S. Moreno.peso_2.jpgpeso_1.jpg

Recent News