CDO-Banner

Pagdangop sa Mental Helpline subling gihingusgan sa syudad

User Rating: 0 / 5

Star inactiveStar inactiveStar inactiveStar inactiveStar inactive
 

By Nica Borja / Infographics by Aicy Soriano


ARON mapugngan ang mga kaso sa hikog, gihingusgan karon sa administrasyon ni Mayor Oscar Moreno ang pagpatuman sa mga serbisyo sa natad sa mental health pinaagi sa mental helpline
http://cdomentalhelpline.cagayandeoro.gov.ph:8080/.

Subay niini, giawhag ang katawhan pag-refer sa ilang mga kaila nga adunay problema sa mental health pinaagi sa pag-abri ug pagfill-up sa referral form nga makita sa mental helpline: https://bit.ly/2RxjU7H ug pagbisita sa CSWD Psychosocial Division nga nahimutang sa ground floor, legislative bldg., CSWD, City Hall alang sa pagsumite sa maong porma.


Sa laing bahin, gisugyot ni Kagawad Edgar Cabanlas atol sa ilang sesyon kagahapon ang pagdeklara sa bulan sa Septiyembre isip ‘Suicide Prevention Month’ subay sa deklarasyon sa World Health Organization matag Septiyembre 10 isip ‘World Suicide Prevention Day’.


Gikabalak-an ni Cabanlas nga posibleng modaghan pa ang kaso sa suicide kung dili kini matutokan sa syudad.

Matud pa niya: "This is becoming a routine. We have to educate our people. We have to entice the families of the suicide victims to speak up about their experiences so that those who will listen will learn. Lisud kaayo kung ato kining pasagdan. If the government will not do anything about this, then this (cases) will increase."

Matud pa ni CSWD Psychosocial Division Head Jaymee Leonen gikinahanglan ang dakong papel sa prensa sa responsable nga pagbalita aron mapugngan ang pagtaas sa sa suicide attempts.


Dugang pa ni Leonen: “The more you report suicide kasi, the more it increases as it serves as a trigger for those who are already vulnerable.”


Kasamtangan, gimugna ang Mental Health Code ubos sa pagpangulo ni Committee on Health Chairperson Kagawad Malou Gaane, uban ni Committee on Social Services Chairperson Kagawad Girlie Balaba, CSWD Psychosocial Division ug pag-abag sa nagkadaiyang stakeholders, professionals ug legislators.
mental_helpline.jpg

Recent News