CDO-Banner

Anti-jaywalking gipatuman na sa Cogon Mkt area

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde / photo by Reynan Baylin

UBAY-UBAY ka mga pedestrians ang nadakpan sa mga personahi sa Roads and Traffic Administration human gipatuman ang anti-jaywalking ordinance diha sa Cogon Market area sugod kagahapong adlawa, Enero 28.

Lakip sa mga nadakpan ang magtutudlo sa usa ka tunghaan ning syudad, estudyante, ug empliyado sa city hall diin gi-isyuhan sila og citation ticket ug gihatagan og 72 hours aron i-settle ang maong bayronon.

Dili lang ang pag-agi sa pedestrian lane kung motabok sa dalan ang hugot nga gipatuman apan lakip na ang pag-agi sa sidewalk aron malikay sa disgrasya.

Ubay-ubay usab ka mga PUJs ug pribadong sakyanan ang gisita ug gi-isyuhan og citation ticket tungod sa nagkadaiyang kalapasan sa balaod trapiko.

Nagpahigayon og information drive ang RTA pinangulohan ni Col. Rizalino Borlagdatan uban sa Clearing Team, COCPO, Oro Barangay Tanod ug CEED sa wala pa gipatuman ang anti-jaywalking kon Ordinance No. 10551-2007.

Multa nga 500 pesos ang ipahamtang sa mga nakalapas sa anti-jaywalking ordinance o kaha usa ka adlaw nga community service. jaywalking_2.jpgjaywalking.jpgjaywalking_1.jpg

Recent News