CDO-Banner

Multa batok ‘anti-littering’ ordinance ipatuman na sugod Pebrero 17

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / file photo

HUGTANON nang ipatuman sa kagamhanang lokal ubos sa administrasyon ni Mayor Oscar Moreno ang pagpatuman sa multa sa mga masapon nga nakalapas sa ‘anti-littering’ ordinance kon pagsinagbot o irresponsableng paglabay sa basura ning syudad.

Base sa Article 14 Section 56 sa City Ordinance No. 13378-2018 o Integrated Solid Waste Management Ordinance, ipahamtang ang P500 ngadto P2,000 nga multa sa mga makalapas o maglabay sa basura bisan asa sama sa panit sa candy, upos sa sigarilyo ug daghan pa.

Gipasabot ni Engr Armen Cuenca, hepe sa City Local Environment and Natural Resources Office (CLENRO), nga gisugdan ang pagpahibalo ilabina sa kamerkdohan sa tinguha nga makalikay ang katawhan ug mga mamaligyaay.

Gani man matud ni Cuenca, ang ‘anti-littering’ kabahin na sa ilang pagpatuman sa ordinansa kalabot solid waste management apan gihimo lang kining phase-by-phase ang implementasyon sa tumong nga masabtan gayud sa katawhan ang ilang kaakohan diha sa katilingban.

Tungod niini, gidasig ang tanang katawhan ning syudad sa pagsunod sa mga balaod ug pagpakisayod kanunay sa mga angay’ng tamdan.

Kahinumdoman nga gisugdan na sa CLENRO ang pag-isyu og Ordinance Violation Receipt (OVR) niadtong Enero 15 sa mga nakalapas sa waste segregation ug implementasyon sa plastic cellophane. littering.jpg

Recent News