CDO-Banner

MOU kalabot sustainable energy access gipirmahan tali syudad ug Xavier U

User Rating: 5 / 5

Star activeStar activeStar activeStar activeStar active
 

By Spencer Palen / photo by Roel Felicitas

GIHINGUSGAN na sa lokal nga kagamhanan sa dakbayan, Xavier University–Ateneo de Cagayan ug International Council for Local Environmental Initiatives (ICLEI) ang pagpatuman sa Access to Sustainable Energy in the Philippines–Clean Energy Living Laboratories (ASEP-CELLs).

Ang programa gihingusgan pinaagi sa pagpirmahay og Memorandum of Understanding tali ni Mayor Oscar Moreno, Rev. Fr. Roberto C. Yap, SJ (XU-Engineering Resource Center) ug Mr. Victorino Aquintania, Regional Director, ICLEI).

Layon sa maong inisyatiba nga mas mapalapdan pa ang mga research sa energy access, efficiency ug renewable energy pinaagi sa paggamit og teknolohiya, capacity building ug pagkuha sa mga importanteng datos.

Gilauman nga pinaagi sa maong programa makamugna ang mga institusyon ug buhatan nga adunay kalambigitan niini og mga kalihokan sama sa pagbansay ug pagtuki sa mga hisgotanan alang sa ‘rural electrification’ ug uban pang mga butang may kalabutan sa enerhiya.

Pinaagi usab sa maong ‘collaboration’, gilaumang malakip sa lokal nga plano ang konsiderasyon sa ‘national energy policies’ aron makamugna sa komprehensibo nga CDO Local Energy Plan nga subay sa mga balaodnon sa nasud.

Tungod niini, gikalipay ni Mayor Oscar Moreno ang pagtinabangay sa lokal nga kagamhanan ug mga pribadong sektor hilabina sa hisgotanan sa enerhiya nga usa sa mga dakong hagit nga giatubang sa mga rural areas o hinterland barangays sa dakbayan. IMG_0369_re.jpgIMG_0357_re.jpg

Recent News