CDO-Banner

50% pagkunhod sa basura natala sa Cogon Market

User Rating: 0 / 5

Star inactiveStar inactiveStar inactiveStar inactiveStar inactive
 

By: Abigail Malalis/Photo courtesy from CLENRO

MIRESULTA sa 50% nga pagkunhod sa waste collection ang natala sa Cogon Market sukad Enero 2 ning tuig tungod sa full implementation sa plastic regulation nga kabahin sa gipatuman nga City Ordinance 13378-2018 o Integrated Solid Waste Management.

Sa taho sa City Economic Enterprises Department (CEED) ang pagkunhod resulta sa plastic regulation nga maoy dako og ihap sa basura sa kadalanan ug kamerkadohan.

Gani man nakita usab sa City Public Services Department (CPSD) ang maong kalampusan sa kampanya batok plastic cellophane.

Ang panagtigom gitambongan sa mga kadagkoan sa City Local Environment and Natural Resources Office (Clenro), Roads and Traffic Administration (RTA), CPSD ug mga punong barangays ug opisyales sa nagkalain-laing barangay palibot sa Cogon Market.

Samtang gitun-an usab atol sa maong panagtigom ang pagmugna og task force Limpyo Cogon Market ug ubang kamerkadohan, lakip pag-ila ug pagplastar sa mga ambulant vendors nga usa sa mga dako’g kontribusyon sa basura.

Tumong sa administrasyon ni Mayor Oscar Moreno nga mahatagan og sakto’ng luna ug oras ang mga mamaligyaay ug makakat-on usab sa ilang kaakohan diha sa ilang kaugalingong basura.clenro1.jpgclenro.jpg

Recent News