CDO-Banner

Business permit renewal merkado sugdan karong Lunes

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde/ Photo courtesy of Markhill Oliveros

MAG-RENEW na usab sa ilang business permit ang mga stallholders sa merkado sa Cogon ug Carmen karong Lunes Pebrero 3 alang sa tuig 2020 sigun kini sa pahibalo ni Marfe Dacoco, Officer-in-Charge sa City Economic Enterprises Department (CEED).

Adunay kapin dos mil ka mga stallholders ang Cogon mkt. samtang otso siyentos kapin usab ang sa merkado sa Carmen nga mo-renew sa ilang mga business permit.

Sa record sa CEED nasayran nga 2,126 ka mga stallholders ang naka-renew sa ilang business permit niadtong 2018, ug 2041 sa 2019 diin adunay 85 ang wala pa naka-renew.

Ang Carmen mkt. adunay 876 ka stallholders ang na-renew niadtong 2018 samtang sa 2019 adunay 873 ang narenew ug tulo ka mga stallholders ang wala naka-renew.

Nunot niini, si Dacoco namahayag nga kung maka-renew ang tanang stallholders sa Cogon mkt. gilauman nga ang ilang target income moabot sa P15 milyones, ug P11 milyones usab sa Carmen mkt. 82530146_2798107036915972_1413910556762439680_n.jpg

Recent News