CDO-Banner

‘Road clearing’ ipadayon sunod semana

User Rating: 0 / 5

Star inactiveStar inactiveStar inactiveStar inactiveStar inactive
 

Text and Photo by Spencer Palen

GIHATAGAN og dugang atensyon ang ‘road clearing operations’ sa dakbayan pinaagi sa usa ka coordination meeting adlaw’ng Miyerkules, Enero 29 nga gilangkoban sa lain-laing buhatan sa lokal nga kagamhanan, mga miyembro sa Sangguniang Panlungsod ug gobyerno nasyonal.

Sentro sa maong tigom ang pagtuki sa Memorandum Circular No. 2020-004 nga naghatag giya sa pagpatuman sa sakto’ng balaodnon kalabot sa tricycle, pedicab o tri-sikad, pagamit sa public roads, pathways, public roads ug alleys.

Tungod niini, mas gipalapdan ang pagsabot sa mga tahas sa mga opisyales sa barangay, lokal nga kagamhanan ug mga ahensya sa gobyerno nasyonal alang sa pagklasipikar sa mga gagmay nga sakyanan sama sa tricycle, pedicab, bao-bao, tricab ug uban pa para ma rehistro kini ug mahatagan sa insaktong pagdumala.

Samtang gituki usab sa coordination meeting ang DILG Memorandum Circular 2018-60 kon “Guidelines for the Preparation of Public Transport Route Plan (LTPRP) by the Local Governments (LGUs), Basis for the Land Transportation Franchising Regulatory Board (LTFRB) Issuance of Franchises to Public Utility Vehicles.”

Gilaumang mahuman na sa dili madugay ang LTPRP sa dakbayan isip solusyon sa isyu sa trapiko ug arun usab mapatuman ang balaodnon sa nasud batok sa road clearing ug mahingusgan ang ‘Hapsay Dalan’ nga kampanya sa dakbayan.

Nagpadayon usab ang road inventory sa City Engineer’s Office, Office of the Building Official (OBO), City Housing and Urban Development Department (CHUDD) inubanan sa Department of Public Works and Highways (DPWH) para masuta ang mga dalan nga adunay road obstructions ug kini masolusyonan dayon.2.jpg1.jpg

Recent News