CDO-Banner

Close surveillance, monitoring batok 2019-nCOV gipahigayon sa syudad

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Stephen Capillas

BISAN pa man sa daghang kabalaka kabahin sa Novel Corona Virus (2019-nCoV), gipasalig sa kagamhanang lokal ubos sa administrasyon ni Mayor Oscar Moreno nga andam ug naningkamot ang syudad nga luwas ang katawhan sa maong virus.

Kini human gimando sa City Health Office sa pagpangulo ni Dr Lorraine Nery ang activation sa Barangay Health Emergency Response Team (BHERT) sa kabarangayan alang sa close monitoring ug surveillance sa posibleng suspected cases sa 2019-nCOV.

Gani man, mapasalamaton ang CHO sa kooperasyon sa mga barangay ilabina sa Brgy Cugman nga mihimo gilayon sa ilang tahas alayon sa BHERT adlaw’ng Sabado, Pebrero 1, lakip ang barangay Lapasan ug Gusa.

Gipasabot ni Dr Nery nga mahinungdanon ang barangay level monitoring and surveillance aron masiguro ang pagpakgang sa maong virus.

Dili lamang n-COV ang gitutokan sa BHERT apan lakip na ang padayong pag-monitor sa dengue ug uban pang health issues sa syudad.

Kahinumdoman nga una nang nagpahigayon og coordination meeting ang CHO ug JR Borja General Hospital (JRBGH) sa milabay’ng semana diin nagpahimutang og “special” triage ang JRBGH.

Samtang gipasabot usab ni Dr Ramon Nery, chief of hospital sa JRBGH, nga andam na ang protocol ug sistema sa maong hospital panahon nga adunay modangop nga suspected case sa 2019-nCOV.

Subay niini, naghangyo ang health team sa publiko nga makisayod kanunay sa sakto’ng impormasyon ug likayan ang pagsabwag sa mga dili kompirmadong balita aron malikayan ang pag-panic, hinuon sundon ang mga angayang buhaton aron malikay sa maong sakit.

Angayan lamang masayran sa katawhan ang pagbaton og kahinlo sa panlawas, kanunay paghugas sa kamot, lutoon sa sakto ang pagkaon, likay sa mga adunay ubo ug magpakonsulta sa doktor kung adunay ubo, hilanat ug sip-on. corona_4.jpgcorona.jpgcorona_1.jpgcorona_2.jpgcorona_3.jpg

Recent News