CDO-Banner

Hugot nga price monitoring sa face masks gimando sa DTI

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis

SA tinguha nga masulbad ug masumpo ang dili makatarunganong pagtaas sa presyo ug pagkahurot sa face masks sa mga pharmacies ug mga grocery stores ning syudad, gimando sa provincial office sa Department of Trade and Industry (DTI) ang hugot nga monitoring sa presyo niini dinhi ning syudad.

Kini ang gipahibalo sa DTI atol sa panagtigom sa task force nga gimugna ni Mayor Oscar Moreno kalabot sa Novel Corona Virus (2019-nCOV) nga naghatag og dakong kahadlok ug kabalaka sa katawhan dili lamang sa Cagayan de Oro apan lakip tibuok kalibutan.

Apan bisan pa man sa pagkaylap sa virus, gipasabot sa City Health Office pinaagi usab sa advisory sa Department of Health (DOH) nga angayan lamang mogamit og face mask kadtong nag-chemotherapy tungod sa cancer, nag-dialysis, HIV patients ug mga adunay suliran sa immune system.

Gani man, gipasabot sa advisory nga angay lamang batonan ang kahinlo sa panlawas, kanunay nga paghugas og kamot, paglikay (usa ka dupa nga distansya) sa mga tawo nga adunay ubo ug sip-on ug pagbaton og healthy lifestyle aron malikayan ang virus.

Subay niini, naghangyo ang mga health officials sa CHO ug DOH sa katawhan nga dili mag-panic o mabalaka ug mas angayan unta hatagan og prayoridad ang mga pasyente ug mga health providers sa pagamit sa masks.

Recent News