CDO-Banner

Syudad mikita og P768M gikan sa business permit renewal

User Rating: 0 / 5

Star inactiveStar inactiveStar inactiveStar inactiveStar inactive
 

By Ian Fuentes / photo by Stephen Capillasbusiness_permit_2020_b.jpg

MOBALOR sa kapin P768 milyones ang nakolekta sa kagamhanan sa Cagayan de Oro human natapos ang business permit renewal niadtong Enero 31, 2020, sigun pa ni Acting City Administrator Oliver Egypto atol sa pagpakayab sa nasudnong bandila niadtong Lunes.

Ang maong koleksyon misaka og sobra P106 milyones kon 16.11 porsiyento kung itandi sa miaging tuig, tin-aw ni Egypto, kinsa miingon nga 16,181 ka mga negosyo ang narehistro sa syudad atol sa renewal.

Tungod niini, mapasalamaton si Egypto sa revenue generation team sa syudad tungod sa ilang mabungahong kakugi ug paningkamot aron makab-ot ang taas nga koleksyon sa syudad.

Samtang, gidugang pagpahibalo ni Egpyto nga gisugdan na niadtong Lunes, Pebrero 3 ang business permit renewal alang sa mga stall holders sa pampublikong merkado ning syudad sama sa Cogon, Carmen, Westbound ug Puerto nga molungtad hangtud katapusan karong bulana.

Dugtong niini, gihangyo ni Egypto ang mga stall holders nga dili kawangon ang kahigayonan mintras sayo pa ug magpa-renew na sa City Economic Enterprises Department ubos ni Officer-In-Charge Marfe Dacoco.

Recent News