CDO-Banner

Anti-ASF Task Force gipahugtan ang monitoring batok ASF

User Rating: 0 / 5

Star inactiveStar inactiveStar inactiveStar inactiveStar inactive
 

By Annabelle Ricalde / photo by ASF Task Force

MAS gipahugtan pa karon sa syudad pinaagi sa Anti-African Swine Fever Task Force ang pagbantay ug pagmonitor nga dili makasulod sa Cagayan de Oro ingon man sa Rehiyon 10 ang African Swine Fever.

Kini human nabalita nga nakasulod na sa Mindanao partikular na sa Davao Occidental ang ASF diin liboan ka mga baboy ang nangamatay.

Nunot niini, magpahigayon og meeting ang Task Force ugmang adlawa sa rehiyonal nga level uban sa nagkadaiyang mga government agencies ug pribadong grupo.

Si City Veterinarian Dr. Lucien Anthony Acac nga mao usab ang nangulo sa Task Force namahayag nga human sa maong meeting magtigom usab dayon ang Anti-ASF Task Force sa syudad.

Sa samang higayon magpadayon ang regular nga monitoring ug inspection sa Task Force ingon man ang information drive kalabot ASF. asf_re.jpgasf_1_re.jpg

Recent News