CDO-Banner

Macasandig ES, Balubal NHS mananaog sa Oro Kalimpyo Awards 2019

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / photo by Aicy Soriano

GIKALIPAY ug dakong garbo sa Macasandig Elementary School ug Balubal National High School ang naangkon nga kadaugan sa labing unang “Oro Kalimpyo Awards 2019” school category bag-ohay lang.

Ang duha ka tunghaan nakadawat og tag-P30,000 nga ganti atol sa awarding ceremony adlaw’ng Biyernes, Enero 31 ning tuig.

Lakip sa mananaog sa elementary level ang Puerto Elementary School sa ikaduhang ganti nga nakadawat og P20,000 mil ug Bulao Elementary School sa 3rd place ug P10,000 mil nga cash prize.

Samtang nasungkit sa Indahag National High School ang ikaduhang ganti ug cash prize nga P20,000; Puerto ug Balulang National High School sa 3rd place ug nakadawat sa cash prize nga tag-P10,000 sa secondary level.

Nakadawat usab og tag P5,000 ang Bulua Central School, Kauswagan Central School ug Gusa Regional Science High School isip consolation prizes.

Kini ang labing unang higayon nga misalmot ang mga pampublikong tunghaan sa “Oro Kalimpyo Awards” nga karon anaa na sa ikatulong tuig sa pagpahigayon og indigay nga gipasiugdahan sa kagamhanang lokal pinaagi sa City Local Environment and Natural Resources Office (CLENRO) kalabot na sa proper solid waste management program.

Sa mensahe ni Mayor Oscar Moreno iyang gipasalamatan ang CLENRO ug mga tunghaan sa pagsalmot ug sa pagpadayag sa kooperasyon sa programa sa syudad sa solid waste.

Lakip sa misaksi si Kagawad Suzette Magtajas Daba, Kagawad Enrico Salcedo, Kagawad Edgar Cabanlas, Kagawad Roger Abaday, Schools Division Superintendent Cherry Mae Limbaco ug mga kadagkoan sa Department of Education-Division of Cagayan de Oro.84513861_3051603981537920_1403713033091416064_n.jpg84076817_3051604044871247_1539583898298613760_n.jpg

Recent News