CDO-Banner

“Project Amigo” gipalapdan sa syudad

User Rating: 0 / 5

Star inactiveStar inactiveStar inactiveStar inactiveStar inactive
 

By Nica Borja / photo by CSO

NAGKADAIYANG istratehiya ang gibuhat sa 1st batch sa “Project Amigo” nga mga city scholars alang sa school-based culminating activity sa proyekto bag-ohay lang, ning siyudad.

Giagi sa play therapy sa mga city scholars sa Capitol University (CU) ang pagtapos niini, samtang, gibuksan pag-usab ang “Amigo Scholars Hub” sa PHINMA-Cagayan de Oro College uban sa dugang inobasyon ug kalamboan sa maong pasilidad.

Sa laing bahin, misaad ang mga city scholars sa Xavier University-Ateneo de Cagayan nga padayonon ang “Project Amigo Warrior” bisan pa man nahuman na ang pag-implementar niini, samtang, exhibit ang gihimo sa University of Science and Technology of Southern Philippines alang sa pag-showcase sa ilang progress report.

Ang school-based “Project Amigo” culminating activity usa ka semana nga serye sa pagsaulog sa success stories sa matag Amigo nga nakalampos pagsulbad sa ilang mga suliran ug nakabaton og resilience sa ilang kaugalingon.

Ang “Project Amigo” usa ka inisyatiba sa City Scholarships Office (CSO) ubos ni CSO Head Richel Petalcurin-Dahay sa tuyo nga masuportahan ang mga city scholars dili lamang sa natad sa edukasyon apan lakip pag-atiman sa mental health aron mahimong advocate. project_amigo.jpgproject_amigo_1.jpg

Recent News