CDO-Banner

Pag-angkon og thermal scanner gilaraw ni Mayor Moreno

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis 

BISAN pa man sa dako’ng kompyansa ug pasalamat ni Mayor Oscar Moreno sa paningkamot sa health team ning syudad lakip sa kooperasyon sa mga nagkalan-laing national agencies, gilaraw pa gihapon niini ang pag-angkon og thermal scanner nga magamit sa pagpakgang sa Novel Corona Virus (2019-nCoV) dinhi sa Cagayan de Oro.

Matud ni Mayor Moreno ang pag-angkon og thermal scanner makatabang sa pag-monitor sa mga mosulod sa syudad.

Dugang pa sa mayor dili angay magkompyansa bisan pa man og dili primary airport ang Cagayan de Oro sanglit gikonsidera niini ang international container terminal sa Tagoloan, Misamis Oriental.

Apan gidugang sa mayor nga walay angay kabalak-an ang katawhan sanglit “on top of the situation” ang health team sa pagpangulo ni Dr Lorraine Jungco-Nery ug plastar na ang Barangay Health Emergency Response Team (Bhert) sa syudad niadto pang Pebrero 1.

Gani man, gipresentar usab ni Dr Nery sa Liga ng Barangay ang mga angaya’ng buhaton sa komunidad sanglit mahinungdanon ang partisipasyon sa barangay officials sa pagpasabot kalabot sa maong virus.

“Importante ang pagtinabangay sa barangay aron masumpo ang pagkaylap sa n-CoV. We need everybody’s cooperation,” butyag ni Mayor Moreno.

Nasayran gikan sa Department of Health nga adunay upat (4) ka foreign individuals ang Persons Under Investigation (PUI) dinhi sa Northern Mindanao, apan, usa niini negatibo ug nagpaabot pa sa resulta ang laing tulo.

Recent News