CDO-Banner

Tungod sa pagsulod sa ASF sa Mindanao; mga boarders sa Rehiyon 10 proteksyonan

User Rating: 0 / 5

Star inactiveStar inactiveStar inactiveStar inactiveStar inactive
 

Text and photo by Annabelle Ricalde 

PAGPROTIHER sa mga boarder pasulod sa Rehiyon 10 ilabina dinhi sa syudad sa Cagayan de Oro ang usa sa mga lakang nga himoon sa Anti-African Swine Fever Task Force atol sa ilang tigom kagahapon, Miyerkules, Pebrero 5.

Nauyonan sa Task Force nga magmugna og animal quarantine checkpoint sa mga checkpoints sa kapulisan aron masusi ang mga kargamento ug uban pa nga mosulod sa syudad.

Si City Veterinarian Dr. Lucien Anthony Acac nga maoy nangulo sa Anti-ASF Task Force namahayag nga iyang istoryahon ang mga punong barangay sa mga coastal barangays nga adunay private seaport sa ilang lugar.

Pipila lamang kini sa mga lakang nga ipatuman sa Task Force human nakasulod na sa Mindanao partikular sa Davao Occidental ug Davao Oriental ang African Swine Fever diin liboan na ka mga baboy ang nangamatay.

Lakip sa gipangandaman karon sa Task Force ang angay nga buhaton kon ugaling makasulod gayud sa syudad ang ASF.

Nunot niini, gihangyo sa Task Force ang kooperasyon sa mga kabarangayan ilabina sa katawhan.ASF.jpgASF_1.jpg

Recent News