CDO-Banner

Hand washing facilities, sanitizers, alcohol sa mga tunghaan, Simbahan ug malls gimando ni Mayor Moreno

User Rating: 0 / 5

Star inactiveStar inactiveStar inactiveStar inactiveStar inactive
 

By Abigail Malalis / Google photo

SA tinguha nga mapanalipdan ug malikayan nga mataptan sa Novel Corona Virus (2019-nCoV) ang katawhan sa Cagayan de Oro, gihan-ay sa technical working group sa Task Force on 2019-nCoV ang kamandoan ni Mayor Oscar Moreno kalabot sa pagbutang og mga hand washing facilities, alcohol ug hand sanitizers sa mga pribado ug pampublikong tunghaan, simbahan ug establisemento ning syudad.

Lakip sa gimando ang pagbutang o’ pagplastar sa mga information materials kalabot na sa 2019-nCoV.

Una nang gidayeg ug gipasalamatan ni Mayor Moreno ang SM Mall sa ilang pagbutang og hand sanitizers sa ilang entrance aron libre’ng magamit sa mga tawo nga mosulod sa maong establisemento.

Lakip usab sa mga inisyatiba sa kagamhanang lokal pinaagi sa task force mao ang pagbisita sa mga tunghaan ug pagpasabot sa mga magtutudlo ug kadagkoan niini aron makatabang pagpasabot sa mga kabataan sa kamahinungdanon sa pagbaton og limpyo nga panlawas, kanunay ug sakto nga paghugas sa kamot ug uban pang preventive measures batok 2019-nCoV.

Sumpay niini, andam na ang halos tanang barangay ning syudad pinaagi sa activation sa Barangay Health Emergency Response Team (Bhert) nga maoy front liners sa ilang komunidad sa pag-ila ug pagsubay sa mga adunay travel history sa mga nasud nga apektado sa virus.

Tungod niini, mapasalamaton si Mayor Moreno sa tanang health workers sa pagpangulo ni Dr Lorraine Nery sa City Health Office sa kooperasyon sa mga barangay.

Gipasabot usab ni Dr Nery nga mahinungdanon ang barangay level monitoring and surveillance aron masiguro ang pagpakgang sa maong virus.hand-sanitizer-gty-jpo-180801_hpMain_16x9_992.jpgHand-Washing-Woman-Rubbing-Alcohol-ss-Feature.jpgunnamed.jpg

Recent News