CDO-Banner

Pribadong grupo nakig-abag sa syudad pag-atiman sa kabataan sa kadalanan

User Rating: 0 / 5

Star inactiveStar inactiveStar inactiveStar inactiveStar inactive
 

Text and photo by Nica Borja

WALAY hunong ang pagpaningkamot sa kagamhanan ning siyudad sa pagsugpo sa Children in Street Situation (CiSS).

Gani man, nakig-abag ang syudad tali sa Life Bank Foundation sa pag-develop og mga konkretong plano ug solusyon alang niini.

Atol sa kalihokan, gitumbok ang mga tinubdan sa problema ug gihan-ay ang mga plano alang sa mga kabataan ug ilang mga pamilya diin gigiyahan sa Life Bank Foundation uban sa ilang resource facilitator, Dr. Celestino Habito, ang siyudad sa pagmugna og three-year plan alang sa CiSS nga sugdan karong tuig hangtud 2023.

Misalmot sa kalihokan ang mga representante sa Barangay Council for the Protection of Children, nagkadaiyang departamento ug representante sa City Council for the Protection of Children.

Sa laing bahin, gipresenta ni Habito ang output gikan sa Social Weather Station (SWS) survey kalabot sa CiSS sa siyudad ug ang framework nga gi-validate sa mga partisipante gamit ang ‘Theory of Change’.

Kahinumduman nga aduna nay 578 ka mga bata nga na-rescue sugod sa tuig 2017; 408 sa tuig 2018 ug 483 sa tuig 2019.

Ang pagplano usa lamang sa mga lakang nga magpadayon ang imahe sa syudad isip ‘child-friendly city’.CISS.jpg

Recent News