CDO-Banner

Cong Klarex mitunol og hinabang sa mga nasunogan sa Bayabas

User Rating: 0 / 5

Star inactiveStar inactiveStar inactiveStar inactiveStar inactive
 

(KLAREX UPDATES)

By Fred Dellava / photo by Office of Cong Klarex Uy


NAHUPAY ang gibating kaguol sa mga nasunugan sa Barangay Bayabas human mahatagan og dinaliang hinabang sa buhatan ni Cagayan de Oro 1st District Congressman Rolando ‘Klarex’ Uy, Martes sa hapon.


Pinangulohan sa Chief of Staff ni Congressman Klarex nga si Shiela Lumbatan, gihatagan og mga pagkaon, bugas, canned goods ug mga senina ang 54 ka mga pamilya sa Zone 1, Buara, Bayabas, ning siyudad.


Usa sa mga nasunugan nga nahinabi sa The Klarex Updates mao si Rosalie Anggano, kinsa taud-taud nang miabang sa panimalay nga gilamoy sa sunog niadtong Dominggo sa gabii.


Matod niya dako ang iyang pasalamat kang Cong Klarex nga bisan sila ‘renter’ lamang natunolan gihapon sila sa hinabang nga ilang gikinahanglanon karong panahona.


“Wala gyud nahibilin sa among balay. Hurot tanan kasunog bisan among mga kaldero, mga senina ug ubang gamit. Maayo nalang kay pinaagi sa among nadawatan karon makatabang kini. Salamat Cong. Klarex,” saysay ni Anggano.


Sa mensahe usab ni Cong. Klarex nga gibutyag ni Lumbatan, iyang gibutyag nga sa mga nasunugan dili lang angay mawad-an og paglaom.


“Makabangon lang gihapon ta ug daghan ang mga nagpagkabana nga andam motabang,” tipik sa pamahayag ni Lumbatan.


Gawas sa dinaliang hinabang, nahidangat usab ang representante sa Department of Labor and Employment (DOLE) sa simbahan diin kasamtangang gi-okupahan sa mga bakwit kung asa mahimo usab nga benepisyaryo sa Tulong Pangkabuhayan sa Ating Disadvantaged/Displaced Workers (TUPAD) ang mga nasunugan.
klarex.jpgklarex_1.jpg

Recent News